Лінкі ўнівэрсальнага доступу

Беларуская чыгунка павялічвае кошт праезду па Расеі на 3-8%


Ілюстрацыйнае фота

Зь 15 жніўня кошт праезду па тэрыторыі Расейскай Фэдэрацыі павялічыцца ў сярэднім на 3-8%, у залежнасьці ад адлегласьці шляху і катэгорыі вагонаў, паведаміла прэс-служба Беларускай чыгункі.

Беларуская чыгунка (БЧ) тлумачыць такое рашэньне тым, што ААТ «Расейскія чыгункі» павышаюць міжнародныя тарыфы на праезд пасажыраў у накірунку Беларусі.

Напрыканцы мінулага году БЧ накіроўвала ў Расею прапановы аб зьніжэньні ў 2016 годзе кошту квіткоў, паведаміў 1 сьнежня на брыфінгу ў Менску першы намесьнік начальніка пасажырскай службы ўпраўленьня Беларускай чыгункі Андрэй Кашко. Ён растлумачыў, што кошт квіткоў у міжнародных зносінах прывязаны да тарыфнай валюты (швайцарскага франку).

«З улікам эканамічных працэсаў, якія адбываюцца ў Беларусі і Расеі, мы робім сумесныя крокі для зьніжэньня кошту квіткоў для пасажыраў, у прыватнасьці, каэфіцыентаў індэксацыі да базавых ставак тарыфаў. Чарговыя нашы прапановы накіраваныя ў Расею для разгляду, — адзначыў Кашко. — Будзем чакаць, што нам адкажуць нашы расейскія калегі па гэтым пытаньні. Мы захавалі базавыя тарыфы 2015 году на 2016 год. Будзем па магчымасьці стрымліваць рост тарыфаў, зьвязаны з эканамічнымі праблемамі».

Што тычыцца коштаў на перавозкі ўнутры краіны, то, як адзначыў прадстаўнік БЧ, «усталёўваць кошты — гэта кампэтэнцыя не БЧ, а Мінэканомікі». «Урад прыме рашэньне альбо пра рост тарыфаў, альбо пра стабілізацыю на ранейшым узроўні», — сказаў ён.

Для параўнаньня: кошт квітка ў купэйным вагоне фірмовага цягніка Менск — Масква № 002Б — 192,97 рубля, у спальным вагоне — 380,84 рубля. У пляцкарце даехаць да Масквы можна за 80 — 90 рублёў.

Даляцець да Масквы рэйсам Белавія каштуе ад 136 да 145 дэнамінаваных беларускіх рублёў.

Глядзець камэнтары (1)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG