Пра гэта распавёў прадстаўнік украінскага боку ў падгрупе Яўген Марчук у эфіры «112-Украіна».
Марчук таксама паведаміў, што прадстаўнікі рабочай групы падрыхтавалі так званае рамачнае пагадненьне пра адвод сілаў і стварэньне двухкілямэтровай дыстанцыі паміж сіламі АТА і баевікамі:
«У нас практычна гатовае пагадненьне. Яно называецца Рамачнае рашэньне і тычыцца якраз адводу сілаў ад перадавой лініі на кілямэтар абодвума бакамі, то бок утвараецца двухкілямэтровая дыстанцыя. Мы дамовіліся, што ў аўторак паўторым абмеркаваньне з мэтай знайсьці кампраміс. Магчыма, гэта пройдзе ў рэжыме відэаканфэрэнцыі», — рэзюмаваў ён.