«Коратка, бо пішу з колаў — так, гэта наш пракол, — напісаў на сваёй старонцы ў Фэйсбуку Мікалай Казловіч. — Журналіст, які прыняў рашэньне, не ўзгадніў сваіх дзеяньняў, дапусьціў памылку. Мы зрабілі з гэтай сытуацыі высновы. Больш абмяркоўваць тут няма чаго».
Паводле словаў Казловіча, Onliner быў і застаецца «па-за палітыкай і сьцягоў любых колераў».
«Але ўстаноўкі на замазваньне чаго-небудзь у рэдакцыі не было і няма».
Інцыдэнт з замазваньнем бел-чырвона-белага сьцяга на фота адбыўся 15 ліпеня. Тады БЧБмабіль менчука Цімоха Дранчука трапіў у аварыю.
Чытач onliner.by апублікаваў фота зь месца здарэньня. У навіне аб ДТЗ фота спачатку зьявілася ў цэнзураваным выглядзе, а пасьля абурэньня чытачоў — кадраваным.
