Лінкі ўнівэрсальнага доступу

МЗС Польшчы абуранае словамі Алексіевіч пра забойства палякамі габрэяў (+ВІДЭА)


Сьвятлана Алексіевіч

На сайце Польскага тэлебачаньня апублікавана заява МЗС Польшчы, у якой асуджаецца заява Сьвятланы Алексіевіч пра забойства палякамі габрэяў у гады Другой сусьветнай вайны.

У прыватнасьці, на сайце цытуюцца словы Алексіевіч, якія нібыта прагучалі на сустрэчы ў Нью-Ёрку.

– Ведаеце, што рабіла Польшча з габрэямі? Адзін з маіх знаёмых журналістаў напісаў, што палякі рабілі з габрэямі. Палякі найгорш за ўсіх ставіліся да габрэяў. Ксяндзы наўпрост на службах казалі: забі габрэя.

«Такога кшталту заявы не падмацаваныя фактамі і ў вышэйшай ступені несправядлівыя, а таксама наносяць шкоду польскаму народу. Нагадаем, што падчас Другой сусьветнай вайны пакараньнем, прызначаным нямецкімі акупацыйнымі ўладамі для тысяч палякаў, у тым ліку шматлікім гераічным прадстаўнікам польскага духавенства, якія ратавалі габрэяў, была смяротнае пакараньне», — цытуе заяву МЗС Польскае тэлебачанне.

Адкрыты ліст у адрас Алексіевіч мае намер апублікаваць Камітэт добрага імя Польшчы.

8 кастрычніка 2015 года пісьменніца Сьвятлана Алексіевіч была ўганараваная Нобэлеўскай прэміяй «за шматгалосае гучанне яе прозы і ўвекавечаньне пакуты і мужнасьці». Яна аўтар такіх кніг, як «У вайны не жаночы твар», «Цынкавыя хлопчыкі», «Час сэканд хэнд».

Ігар Лосік Кацярына Андрэева Ірына Слаўнікава Марына Золатава Ягор Марціновіч

Самае папулярнае

XS
SM
MD
LG