У афіцыйным макраэканамічным прагнозе на 2017 год прагназуецца атрыманьне Беларусьсю крэдыту ад МВФ у 1 млрд даляраў, заўважае БелаПАН. На момант публікацыі ў Менску працуе камісія МВФ, ад якой Беларусь будзе прасіць 3 млрд даляраў на 10 гадоў.
Рашэньне пра крэдыт ад МВФ (і выкананьне прагнозаў дзяржавы) залежыць ад выніку перамоваў зь беларускімі ўладамі наконт эканамічнай палітыкі ў краіне. Ніякае рашэньне пакуль не прынятае, перамовы працягваюцца.
Чаго хоча МВФ ад Беларусі
У наступным годзе, паводле інфармацыі БелаПАН, Беларусі трэба будзе выплаціць па замежнай і ўнутранай дзяржаўнай запазычанасьці 3 мільярды даляраў. Таму мяркуецца, што новы крэдыт пойдзе на вяртаньне старых пазыкаў.
