Як заявіў міністар харчаваньня краіны Радольфа Марка, выступаючы на мітынгу ў Каракасе, такім чынам плянуецца разьмеркаваць каля 70% закупленых прадуктаў харчаваньня, паведамляе BBC.
Апазыцыйныя палітыкі ўжо выказалі асьцярогу, што ляяльныя ўладам рады могуць дыскрымінаваць прыхільнікаў апазыцыі.
Эканамічны крызіс у Вэнэсуэле ў апошнія гады прывёў да недахопу прадуктаў харчаваньня і дэфіцыту прадметаў першай неабходнасьці (у тым ліку туалетнай паперы), гіганцкіх чэргаў і марадэрства.
Апазыцыя Вэнэсуэлы абвінавачвае прэзыдэнта Нікаляса Мадуру і яго папярэдніка Уга Чавэса ў тым, што іх палітыка прывяла да эканамічнага крызісу, які абвастрыўся з-за нізкіх цэнаў на нафту.
У Вэнэсуэле ў траўні ўступіў у сілу загад прэзыдэнта Нікаляса Мадуры перавесьці гадзіньнікі на паўгадзіны наперад для эканоміі электрычнасьці. Гэты захад павінен спрыяць скарачэньню спажываньня электрычнасьці ў цёмны час сутак.
Раней на фоне ўзмацненьня дэфіцыту тавараў улады ў Вэнэсуэле абмежавалі наведваньне дзяржаўных харчовых крамаў двума разамі на тыдзень.
Вэнэсуэла валодае найбуйнейшымі нафтавымі радовішчамі ў сьвеце, аднак падзеньне коштаў на нафту апошнімі гадамі згубна адбілася на эканоміцы краіны.
