Лінкі ўнівэрсальнага доступу

Званкі са Skype і Viber на тэлефон не забароняць, калі іх уладальнікі заключаць дамовы з апэратарамі


Асноўная мэта ўказу, кажуць у ААЦ, — барацьба з «шэрым трафікам» на тэлефонных лініях, з такімі тэлефанаваньнямі, якія праводзяцца ў абыход звычайных апэратараў сувязі.

Апэратыўна-аналітычны цэнтар адказаў Эўрарадыё на афіцыйны запыт адносна ўказу № 98. З тэксту ўказу вынікала магчымасьць забароны мэсэнджэраў Skype і Viber альбо іншых сэрвісаў.

Як піша ААЦ, указ не закране Skype і Viber, калі злучэньне будзе адбывацца паміж самімі мэсэнджэрамі (а не паміж мэсэнджэрам і гарадзкім ці мабільным тэлефонам) і калі ўладальнікі мэсэнджэраў заключаць дамовы з апэратарамі на тэлефанаваньні з мэсэнджэра на гарадзкія ці мабільныя тэлефоны.

Дадатковая плата за само карыстаньне Skype і Viber, якая абмяркоўвалася раней, указам не рэглямэнтаваная і пакуль толькі прапрацоўваецца.

Антывызначальнікі нумару, ананімайзэры і прыватныя віртуальныя сеткі (VPN) гэтым указам не забараняюцца. Тым ня меней ананімайзэры і іншыя сродкі ананімнасьці ў інтэрнэце ў Беларусі павінны блякавацца, калі будзе выяўлена, што яны даюць доступ да забароненых сайтаў.

Глядзець камэнтары (3)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG