Лінкі ўнівэрсальнага доступу

Нігерыя стане касьмічным партнэрам Беларусі


Ілюстрацыйнае фота

Кампанія NigComSat перамагла ў тэндэры на лётныя выпрабаваньні беларуска-кітайскага спадарожніка «Белінтэрсат-1».

Кампанія NigComSat, якая працуе пад эгідай Фэдэральнага міністэрства камунікацыйных тэхналёгіяў Нігерыі, па выніках тэндэру атрымала права на лётныя выпрабаваньні і маніторынг спэктру апорнай частаты для беларуска-кітайскага спадарожніка «Белінтэрсат-1», вядомага таксама як ChinaSat-15, паведамляе naij.com.

Спадарожнік маюць запусьціць 15 студзеня 2016 году. Выпрабаваньні працягнуцца тры месяцы, пасьля чаго спадарожнік зможа аказваць тэлекамунікацыйныя паслугі. Мяркуецца, што ён будзе эксплюатавацца 15 год.

Цэнтар кіраваньня спадарожнікам — у вёсцы Станькава за 40 км ад Менску. Праектам займаюцца супольна беларускі Дзяржаўны вайскова-прамысловы камітэт і кітайская кампанія «Вялікая сьцяна». Агульны кошт праекту — 300 млн даляраў. Дзяржава ўклала ў праект, як сьцьвярджаецца, «немалыя грошы», але праект дзейнічае як камэрцыйная арганізацыя.

Акрамя спадарожніка сувязі «Белінтэрсат-1» Беларусь плянуе супольна з Расеяй запусьціць у космас апарат БКА-2, характарыстыкі і функцыі якога пакуль толькі вызначаюцца. Сьцьвярджаецца, што спадарожнік мае выключна мірнае прызначэньне.

Глядзець камэнтары (1)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG