Як перадае інфармацыйнае агенцтва УНІАН, Савет Фэдэрацыі РФ ухваліў закон «Аб прыпыненьні Расейскай Фэдэрацыяй дзеяньня Дамовы аб зоне свабоднага гандлю ў дачыненьні да Ўкраіны».
22 сьнежня Дзярждума РФ прыняла закон аб прыпыненьні зь 1 студзеня 2016 году дзеяньня Дамовы аб зоне свабоднага гандлю з Украінай. Рашэньне было падтрымана аднагалосна.
17 сьнежня прэзыдэнт Расеі Ўладзімер Пуцін унёс у Дзярждуму адпаведны праект закона. Згодна з тлумачальнай запіскай, прадугледжваецца прыпыненьне дзеяньня прэфэрэнцыйнага гандлёвага рэжыму ў адносінах з Украінай у мэтах прадухіленьня пагрозаў эканамічнай бясьпекі Расеі.
Пуцін таксама падпісаў указ аб прыпыненьні Дамовы аб зоне свабоднага гандлю з Украінай.
