Афіша
Менск — Беларуская інтэлектуальная гульня. Клуб «OVERTIME», пр-т Пераможцаў, 4 (Палац спорту), пачатак а 19-ай.
У Маскве пройдзе сесія Савету калектыўнай бясьпекі АДКБ і пасяджэньне Вышэйшага Эўразійскага эканамічнага савету. Плянуецца сустрэча Аляксандра Лукашэнкі з Уладзімірам Пуціным.
У гісторыі
1846 — шатляндзкі хірург Робэрт Лістан правёў першую ў Эўропе апэрацыю з анэстэзіяй.
1898 — П’ер і Мар’я Кюры адкрылі радыюм.
1913 — у нью-ёрскай газэце надрукавалі першую ў гісторыі крыжаванку.
1918 — на загад Рады дзяржаўнай абароны Літвы быў утвораны Першы гарадзенскі беларускі полк.
1958 — Шарля дэ Голя абралі прэзыдэнтам Францускай Рэспублікі.
1991 — была падпісаная Алма-Ацінская дэклярацыя, якая абвясьціла аб стварэньні Садружнасьці Незалежных Дзяржаваў.
2007 — да Шэнгенскага пагадненьня далучылася 9 краінаў Эўразьвязу — Літва, Латвія, Эстонія, Польшча, Чэхія, Славаччына, Славенія, Вугоршчына і Мальта.
У гэты дзень нарадзіліся:
1796 — Тамаш Зан, паэт, удзельнік вызвольнага руху, сябра Таварыства філяматаў.
1879 — Іосіф Сталін, савецкі палітык, дыктатар.
1890 — Мікалай Аладаў, кампазытар, пэдагог, адзін з арганізатараў і першых выкладчыкаў Беларускай кансэрваторыі і Беларускага музычнага тэхнікуму.
1917 — Гайнрых Бёль, нямецкі пісьменьнік, ляўрэат Нобэлеўскай прэміі ў галіне літаратуры 1972 году.
1934 — Іван Чыгрынаў, беларускі празаік, драматург, перакладчык, публіцыст. У 1994-м Чыгрынаў атрымаў званьне народнага пісьменьніка Беларусі.
1967 — Міхаіл Саакашвілі, прэзыдэнт Грузіі з 2004 па 2013 год.
1971 — Аляксандар Памідораў, беларускі музыка, тэле- і радыёвядоўца, шоўмэн.
У гэты дзень памерлі:
1375 — Джавані Бакача, італьянскі пісьменьнік, аўтар «Дэкамэрону».
1940 — Фрэнсіс Скот Фіцджэральд, амэрыканскі пісьменьнік.
1981 — Міхась Забэйда-Суміцкі, беларускі сьпявак, пэдагог.
1989 — Сэм’юэл Бэкет, ірляндзкі пісьменьнік, адзін з заснавальнікаў тэатру абсурду, ляўрэат Нобэлеўскай прэміі 1969 году.
2006 — Сапармурат Ніязаў, першы прэзыдэнт Туркмэністану.
Цытата на памяць
Сустрэча з вялікай колькасьцю журналістаў — задавальненьне. Зь некалькімі — непрыемнасьць. Сустрэча з адным журналістам — гэта сьмяротнае пакараньне.
Шарль дэ Голь
Падзеі дня ў Беларусі, сьвеце, гісторыі.
Самае папулярнае
1