Лінкі ўнівэрсальнага доступу

Ужо сёньня, 21 кастрычніка: 210 гадавіна бітвы пры Трафальгары, дзень нараджэньня Нобэля


ФОТА ДНЯ: Нёман на Лідчыне. Ірына Ліпіньская

Падзеі гэтага дня ў Беларусі, сьвеце, гісторыі.

Новае фота кожны дзень, увесь год. Дасылайце свае здымкі гарадзкіх і прыродных краявідаў, падзеяў і зьяваў жыцьця ў 2015 на пошту radiosvaboda@gmail.com. Пажадана дасылаць фота ў прапорцыі 16 на 9. Усе аўтары фота, апублікаваных на сайце Свабоды, атрымаюць прызы. Тры найбольш папулярныя здымкі месяца будуць адзначаныя асобна.

Афіша:

Менск, штаб-кватэра Нацыянальнага алімпійскага камітэту, Эўрапейская міністэрская канфэрэнцыя Сусьветнай арганізацыі аховы здароўя «Ахоп усіх этапаў жыцьця ў кантэксьце палітыкі «Здароўе-2020». У канфэрэнцыі возьмуць удзел міністры аховы здароўя і дэлегаты краінаў-чальцоў эўрапейскага рэгіёну, прадстаўнікі міжурадавых арганізацый, рэгіянальныя агенцтвы эканамічнага супрацоўніцтва і міжнародныя няўрадавыя арганізацыі.

Менск, у Нацыянальным мастацкім музэі адкрыецца выстава «Пілігрым свабоды», прысьвечанай Адаму Міцкевічу і яго паэме «Дзяды».
На выставе будуць прадстаўленыя экспанаты з Варшавы і Менску, у тым ліку прыжыцьцёвыя выданьні твораў паэта. Пачатак у 18 гадзінаў.

У гісторыі:

1805 — брытанскі флёт пад камандаваньнем віцэ-адмірала Гарацыё Нэльсана атрымаў перамогу над аб’яднанымі флётамі Францыі і Гішпаніі ў бітве пад Трафальгарам. У бітве загінуў сам Нэльсан, але перамога дала брытанцам абсалютнае панаваньне на моры на наступныя 100 гадоў.

1917 — выйшаў у сьвет першы нумар газэты «Беларуская Крыніца» — воргана Беларускай хрысьціянскай дэмакратыі. Выдавалася пераважна ў Вільні да 12 ліпеня 1940 году.

1935 — нацысцкая Нямеччына афіцыйна выйшла са складу Лігі Нацыяў.

1943 — было ліквідавана Менскае габрэйскае гета, якое праіснавала ад 20 ліпеня 1941 году. З больш чым 100 тысяч яго насельнікаў каля 80 тысяч былі за гэты час забітыя.

1944 — адбылася першая атака японскіх камікадзэ на аўстралійскі крэйсэр каля ўзьбярэжжа Філіпінскіх астравоў.

1945 — жанчыны ў Францыі ўпершыню пайшлі галасаваць.

1995 — падпісаньнем мірнага пагадненьня ў амэрыканскім горадзе Дэйтан завяршылася вайна ў Босьніі-і-Герцагавіне

У гэты дзень нарадзіліся:

Альфрэд Нобэль (1833-1896)
Альфрэд Нобэль (1833-1896)

1833 — Альфрэд Нобэль, швэдзкі хімік і інжынэр, вынаходнік дынаміту, фундатар Нобэлеўскай прэміі.

1877 — Якаў Афанасьеў, беларускі навуковец-землязнаўца, акадэмік. Пад яго кіраўніцтвам складзеная першая мапа зямель Беларусі.

1914 — Казімер Сьвёнтак, кардынал, арцыбіскуп, мітрапаліт Менска-Магілёўскі

1878 — Уладзімер Пічэта, беларускі гісторык, першы рэктар БДУ. Вывучаў гісторыю ВКЛ, Польшчы, Чэхіі, Сэрбіі, Баўгарыі, Расеі XVI-XX стагодзьдзяў. Апублікаваў каля 150 працаў па гісторыі, гістарыяграфіі, археалёгіі, архівазнаўстве, краязнаўстве, гісторыі права Беларусі.

1929 — Урсула Ле Гуін, амэрыканская пісьменьніца.

1958 — Максім Клімковіч, беларускі пісьменьнік і драматург.

У гэты дзень памерлі:

1931 — Артур Шніцлер, аўстрыйскі пісьменьнік.

1969 — Джэк Кэруак, амэрыканскі пісьменьнік .

1984 — Франсуа Труфо, францускі кінарэжысэр .

Цытата:

Англія чакае, што кожны выканае свой абавязак.

Сьцягавы сыгнал, падняты на флягманскім караблі адмірала Нэльсана перад бітвай пры Трафальгары

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG