Суд Эўразьвязу ў Люксэмбургу 6 кастрычніка адмяніў рашэньне Рады Эўразьвязу з 2012 году замарозіць актывы беларускага алігарха Юрыя Чыжа і двух яго кампаніяў, «Трайпл» і «Дынама Менск».
Як паведамляе інтэрнэтнае выданьне euobserver, Рада Эўразьвязу «не прадставіла ніякіх доказаў», што Чыж фінансаваў аўтарытарны рэжым Беларусі ў абмен на прывілеі ў бізнэсе.
Летась набліжаныя да Аляксандра Лукашэнкі бізнэсоўцы Ўладзімер Пефціеў і Ўладзімер Тарнаўскі выключаныя з чорнага сьпісу Эўразьвязу, іх калега беларускі алігарх Юрый Чыж у санкцыйным сьпісе застаўся.
