Гэта здарылася 2 жніўня ўдзень. Цяпер ён у рэанімацыі Івацэвіцкага шпіталя. Разглядаецца пытаньне пра транспартаваньне ў Менск.
Як паведамляе ў сацыяльнай сетцы Фэйсбук журналіст Валер Гапееў, «кансыліюм назначаны на вось цяпер. Пасьля будзе вядома наконт транспарціроўкі ў Менск. Стан стабільны. Усё неабходнае выконваецца».
Валер Мазынскі сказаў Свабодзе, што Ўладзімер Кішкурна ехаў у аўтамабілі адзін, яму стала кепска, і ён на вялікай хуткасьці ўехаў у грузавік. У выніку — сур’ёзнае пашкоджаньне лёгкіх і печані.
Два гады таму Ўладзімер Кішкурна перанёс інфаркт.