Навіну пра сьмерць Яна Кульчыка паведаміла Польскае радыё са спасылкай на прэсавую сакратарку кампаніі Kulczyk Investments Марту Высоцку-Антонсэн.
Ян Кульчык быў уласьнікам прадпрыемства Kulczyk Holding, шмат гадоў ён займаў першае месца у рэйтынгу самых багатых палякаў, быў сузаснавальнікам Польскай Рады Бізнэсу.
Кульчык займаўся энэргетыкай у Польшчы і краінах суседзях. Сярод іншага ягоная кампанія плянавала вялікі інвэстыцыйны праект у энэргетычным сэктары ў Беларусі, але адмовілася з-за неспрыяльнага клімату ў краіне пасьля падзей 19 сьнежня 2010 года.
