Лінкі ўнівэрсальнага доступу

Керы: Калі вы не прымаеце пагадненьне, вы выбіраеце вайну


Рада бясьпекі ААН ухваліла пагадненьне па іранскай ядзернай праграме, заключанае паміж Іранам і шасьцю краінамі — Вялікабрытаніяй, ЗША, Кітаем, Нямеччынай, Расеяй і Францыяй.

У Кангрэсе ЗША пачынаецца разгляд гэтага пагадненьня, які будзе доўжыцца 60 дзён. Толькі парлямэнт можа скасаваць санкцыі, якія былі ўведзеныя Злучанымі Штатамі адносна Ірану ў дадатак да міжнародных санкцыяў ААН.

Адміністрацыя Барака Абамы сутыкаецца і ў грамадзтве, і ў Кангрэсе з моцнай апазыцыяй пагадненьню. Дзяржсакратар ЗША Джон Керы ў інтэрвію «Голасу Амэрыкі» выклаў пазыцыю адміністрацыі, патлумачыў, чаму, на яго погляд, Кангрэс павінен ухваліць пагадненьне зь Іранам:

«Я зьбіраюся расказаць праўду аб пагадненьні. Ёсьць шмат людзей, якія выступалі супраць пагадненьня перш чым яны яго прачыталі. Я маю на ўвазе, што многія зь іх прызналіся, што не чыталі тэкст пагадненьня, калі пачалі выступаць супраць яго.

Некаторыя людзі проста выступаюць супраць ідэі заключыць зьдзелку зь Іранам. Але я думаю, што, калі людзі рэальна глядзяць на тое, што атрымалася, калі яны бачаць, што гэта на самай справе магчымасьць пакончыць з патэнцыялам ядзернай зброі, што гэта адкрывае магчымасьць для іншых добрых справаў, я думаю, што людзі будуць бачыць выгаду гэтага.

Я рады, што ў нас ёсьць 60 дзён, каб убачыць, што калі вы не прымаеце гэтае пагадненьне, вы выбіраеце канфлікт і вайну. Калі мы ня ўхвалім гэтае пагадненьне, аятала скажа: „Чаму я павінен весьці перамовы з гэтымі людзьмі?“ Чаму нашы калегі ў сьвеце падтрымліваюць санкцыі? Яны кажуць — санкцыі мусілі быць, каб атрымаць пагадненьне. Але калі мы адкінем пагадненьне, усё разбураецца зь вялікай небясьпекай для рэгіёну».

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG