«Мы рухаемся да дамоўленасьці, але яшчэ шмат чаго трэба зрабіць», — заявіў прэзыдэнт Францыі Франсуа Алянд пасьля ўчорашняга пазачарговага саміту 19 краінаў зоны эўра і МВФ. І Алянд, і канцлер Нямеччыны Ангела Мэркель заявілі, што яны спадзяюцца дасягнуць пагадненьня на гэтым тыдні.
25 чэрвеня, у пятніцу, лідэры краінаў эўразоны і кіраўніцтва МВФ сустрэнуцца зноў, каб прыняць канчатковае рашэньне. Да гэтага часу будуць працягвацца перамовы на ўзроўні міністраў фінансаў. Грэцыя прапануе плян, які прадугледжвае павелічэньне падаткаў на 8 мільярдаў эўра за год, і захады жорсткай эканоміі. Аднак кіраўнік МВФ Крысьцін Лягард заявіла, што прапановам Атэнаў «усё яшчэ не хапае канкрэтнасьці».
Але нават частковая дамоўленасьць ужо зрабіла станоўчы ўплыў, выклікаўшы падвышэньне курсаў акцыяў на эўрапейскіх біржах.