Лінкі ўнівэрсальнага доступу

Найбуйнейшая параза «Ісламскай дзяржавы»: курды ўзялі Тэль-Аб'яд


Баявыя аддзелы сырыйскіх курдаў, якія падтрымліваюцца Злучанымі Штатамі, да вечара ў панядзелак выбілі баевікоў групоўкі «Ісламская дзяржава» з ключавога горада на мяжы з Турэччынай.

Паводле агенцтва The Associated Press, так званыя курдзкія атрады нацыянальнай самаабароны ўзялі пад свой кантроль большую частку памежнага горада Тэль-Аб'яд і ўчастак сырыйска-турэцкай мяжы, празь які на сырыйскую тэрыторыю, пранікалі замежныя баевікі і ажыцьцяўляліся розныя пастаўкі.

Захоп Тэль-Аб'яда курдамі — найбуйнейшая параза баевікоў «Ісламскай дзяржавы» за апошнія месяцы. Курдзкія атрады нацыянальнай абароны, якія дзейнічаюць пры падтрымцы амэрыканскай авіяцыі, пашыраюць у апошнія месяцы свой кантроль над тэрыторыямі на поўначы Сырыі, дзе пражывае курдзкае, арабскае насельніцтва і прадстаўнікі іншых этнічных меншасьцяў.

У панядзелак прадстаўнікі некалькіх паўстанцкіх груп абвінавацілі курдаў у спробе этнічнай зачысткі тэрыторый, якія перайшлі пад іх кантроль. Каля 16 тысяч уцекачоў-арабаў перасеклі ў апошнія два тыдні мяжу з Турэччынай.

Прадстаўнікі курдзкіх сілаў адкінулі абвінавачваньні, заявіўшы, што яны перададуць кіраваньне вызваленымі населенымі пунктамі прадстаўнікам мясцовых грамадзянскіх камітэтаў.

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG