Лінкі ўнівэрсальнага доступу

У Бэрліне пройдзе сустрэча кіраўнікоў МЗС нармандзкай «чацьвёркі»


Прарасейскія сэпаратысты ля Данецка.
Прарасейскія сэпаратысты ля Данецка.

У Бэрліне сёньня сустракаюцца кіраўнікі МЗС Нямеччыны, Францыі, Расеі і Ўкраіны. Яны абмяркуюць выкананьне рэжыму спыненьня агню бакамі канфлікту ў Данбасе.

Ахвярамі ўзброенага канфлікту, які працягваецца на ўсходзе Ўкраіны з красавіка мінулага года паміж прарасейскімі сэпаратыстамі, расейскімі войскамі і ўкраінскай арміяй, сталі больш за шэсьць тысяч чалавек з абодвух бакоў, уключаючы мірных жыхароў.

Пагадненьне аб замірэньні, падпісанае ў лютым у Менску пры пасярэдніцтве лідэраў Францыі і ФРГ, істотна зьнізіла вастрыню канфлікту, але паведамленьні пра асобныя ўспышкі збройнага супрацьстаяньня і акты гвалту працягваюць рэгулярна паступаць.

Назіраньне за выкананьнем пагадненьня аб спыненьні агню вядзе група маніторынгу Арганізацыі па бясьпецы і супрацоўніцтве ў Эўропе (АБСЭ).

Напярэдадні бэрлінскай сустрэчы міністар замежных спраў ФРГ Франк-Вальтэр Штайнмаер заклікаў Маскву і Кіеў садзейнічаць выкананьню Менскіх пагадненьняў, у прыватнасьці, у наладжваньні стасункаў паміж сэпаратыстамі і ўрадам Украіны. Гаворка ідзе, перш за ўсё, аб дапамозе ў аднаўленьні раёнаў Данецкай і Луганскай абласьцей, якія пацярпелі ад баёў.

Усьлед за гэтым, як заявіў Штайнмаер, павінна пачацца падрыхтоўка да правядзеньня мясцовых выбараў на тэрыторыях, кантраляваных сэпаратыстамі.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG