ПАДЗЕІ ДНЯ
Прага – Форум 2000, у якім сярод іншых запрошаных бярэ ўдзел беларускі праваабаронца Алесь Бяляцкі.
Страсбург – у Эўрапейскім судзе правоў чалавека – пачатак адкрытых слуханьняў у справе аб тэракце ў Бэслане (Расея), у выніку якога загінуў 331 чалавек, у тым ліку 172 дзіцяці.
ГЭТЫ ДЗЕНЬ У ГІСТОРЫІ
1851 – у Лёндане заснаванае адно з найбольшых прэс-агенцтваў у сьвеце Ройтэрз.
1964 – Мікіта Хрушчоў зьняты з пасады першага сакратара КПСС.
«Гэты маленькі выпадак для мяне – невытлумачальная загадка, амаль што цуд. І адзінае тлумачэньне, якое я магу даць – незвычайны характар Хрушчова. Ён валодаў зьнішчальным націскам і мужыцкай няўступлівай упартасьцю. Ягоная барацьба са Сталіным – доказ гэтаму. Ужо мёртвы і разьвянчаны правадыр усіх народаў адчайна супраціўляўся. Яго вацягвалі з маўзалею, але ён ізноў туды клаўся. Яго імкнуліся забіць замоўчваньнем, а Сталін нагадваў пра сябе тысячамі сваіх бронзавых, мармуровых, гіпсавых копіяў, якія былі ў гарадах і вёсках краіны, геаграфічнымі назовамі, глухім шумам прыхільнікаў. Аднак Хрушчоў выкінуў Сталіна з Маўзалея. Выкарчаваў па краіне яго помнікі, сьцёр яго імя з геаграфічных мапаў, не спужаўся мільённай незадаволенасьці прыхільнікаў. Паспрабуйце адмовіць такому чалавеку ў характары!»
Расейскі пісьменьнік Уладзімер Тандракоў пра Мікіту Хрушчова
1981 – Хосьні Мубарака выбралі прэзыдэнтам Эгіпту. На гэтай пасадзе ён заставаўся амаль 30 гадоў.
У гэты дзень нарадзіліся:
1890 – амэрыканскі генэрал і 34-ы прэзыдэнт ЗША Дуайт Эйзэнхаўэр.
1899 – беларускі пісьменьнік Адам Бабарэка.
1915 – беларускі пісьменьнік Усевалад Краўчанка.
1940 – брытанскі сьпявак Кліф Рычард.
1943 – беларускі адвакат і праваабаронца Гары Паганяйла.
1946 – Дэн Маккафэрці, заснавальнік і вакаліст рок-гурту «Nazareth».
З КАЛЕНДАРА БАХАРЭВІЧА:
З хуткасьцю веры. 14 кастрычніка 1978 у кардынала Вайтылы, які сьпяшаецца ў Рым на канкляў, не заводзіцца машына