17:41
9.5.2014
Здымачную групу Радыё Свабода затрымалі ў жывым эфіры.
Прэсавы сакратар менскай міліцыі прыняў інфармацыю пра тое, што ў Менску затрыманыя журналісты. У Радыё Свабода ён папрасіў дадатковыя падрабязнасьці інцыдэнту.
Супрацоўнік службы бясьпекі Мінск-Арэны, апрануты ў цывільнае, паведаміў Радыё Свабода, што затрыманых журналістаў маглі адвезьці ў пастарунак міліцыі Цэнтральнага раёну.
Прэсавы сакратар менскай міліцыі прыняў інфармацыю пра тое, што ў Менску затрыманыя журналісты. У Радыё Свабода ён папрасіў дадатковыя падрабязнасьці інцыдэнту.
Супрацоўнік службы бясьпекі Мінск-Арэны, апрануты ў цывільнае, паведаміў Радыё Свабода, што затрыманых журналістаў маглі адвезьці ў пастарунак міліцыі Цэнтральнага раёну.
16:12
9.5.2014
У Гомелі на аўто з расейскімі нумарамі накрэмзалі расейскі герб, танк і надпіс «З днём перамогі!»
15:10
9.5.2014
Фотагалерэя: 9 траўня ў Менску
15:08
9.5.2014
Нэля Штэпа жывая і заклікае прыйсьці на рэфэрэндум 11 траўня
Мэр Славянску Нэля Штэпа выйшла на цэнтральную плошчу гораду павіншаваць гараджан з Днём Перамогі, заклікала іх прыйсьці на рэфэрэндум 11 траўня і сказала, што нікога нельга пускаць у горад.
Пра гэта паведамляе сайт Slavgorod.
Паводле словаў Штэпы, у выпадку яўкі гараджанаў на рэфэрэндум горад ужо з панядзелка пачне жыць сваім звычайным жыцьцём.
«З панядзелка мы вычысьцім горад», — сказала яна.
На працягу апошніх трох тыдняў месцазнаходжаньне Нэлі Штэпы было невядомае. СМІ ня раз пісалі, што мэра, верагодна, выкралі сэпаратысты.
Відэа выступу Нэлі Штэпы
14:22
9.5.2014
Рэдактар «Острова»: Сэпаратысты застрэлілі праваслаўнага бацюшку
У Канстанцінаўцы (Данецкая вобласьць) на блёкпосьце сэпаратысты застрэлілі праваслаўнага бацюшку.
Пра гэта ў сваім твітэры напісаў галоўны рэдактар выданьня «Остров» Сяргей Гармаш.
«Жыў побач, выйшаў іх абразуміць. Не дамовіліся...», — напісаў ён.
У Канстанцінаўцы ўкраінскія вайскоўцы праводзяць антытэрарыстычную апэрацыю.
Тэрарысты захапілі ў горадзе гарсавет, спрабавалі захапіць тэлевежу і пэрыядычна абстрэльваюць машыны.
14:15
9.5.2014
Сілавікі адбілі атаку на будынак МУС у Марыюпалі. Зьнішчана каля 8 тэрарыстаў. У горадзе працягваюцца баі паміж прарасейскімі тэрарыстамі і ўкраінскімі вайскоўцамі.
Пра гэта паведамляе выданьне INSIDER.
Раней з боку аэрапорта ў Марыюпаль увайшла бранятэхніка са сьцягамі Ўкраіны.
Пра гэта паведамляе выданьне INSIDER.
Раней з боку аэрапорта ў Марыюпаль увайшла бранятэхніка са сьцягамі Ўкраіны.
13:45
9.5.2014
У цэнтры Кіева затрымалі яшчэ адзін аўтамабіль з агнястрэльнай зброяй
Каля Кіева-Пячэрскай лаўры праваахоўнікі затрымалі яшчэ адзін аўтамабіль, у якім перавозілі агнястрэльную зброю.
Тэхпашпарт на «Аўдзі» выдадзены ў Луганскай вобласьці.
Пазьней да аўтамабіля падышоў малады чалавек прыблізна 25 гадоў і паспрабаваў узяць у салёне цыгарэты. Пасьля гэтага кінуўся ўцякаць.
Яго затрымалі прадстаўнікі Самаабароны Майдана. Міліцыя ня ўмешвалася.
Раней на кіеўскай Плошчы Славы праваахоўнікі затрымалі аўтамабіль, у якім перавозілі пісталет, нож, а таксама камплект аўтамабільных нумароў.
13:44
9.5.2014
У Данецку баевікі напалі на дзяжурную часьць папраўчай калёніі
Сэпаратысты прыехалі ў калёнію на чатырох аўтамабілях, зайшлі ў каравульнае памяшканьне, дзе знаходзіцца дзяжурная часьць.
Нападнікі завалодалі пісталетам Макарава і трыма аўтаматамі Калашнікава без патронаў.
Ніхто з супрацоўнікаў калёніі не пацярпеў. На месцы здарэньня працуе сьледча-апэратыўная група, перадае УНІАН.
13:18
9.5.2014
У Луганскай вобласьці расстралялі дваіх чалавек
Cёньня ўначы на 850 км аўтадарогі Растоў — Харкаў выявілі 2 аўтамабілі Toyota FJ Cruiser з мноствам кулявых адтулін. У адной машыне быў труп мужчыны, у другой — труп жанчыны і параненая 10-гадовая дзяўчынка, якую шпіталізавалі ў цяжкім стане.
Паводле сьведчаньняў відавочцаў, машыны не спыніліся на патрабаваньне баевікоў, якія стварылі на дарозе блёкпост. Тады тыя абстралялі машыны з аўтаматычнай зброі. Пра гэта паведамляе інфармацыйнае агенцтва УНІАН.
13:17
9.5.2014
12:54
9.5.2014
У цэнтры Марыюпаля ідзе перастрэлка, чатырох з агнястрэльнымі раненьнямі шпіталізавалі. Як паведамляе мясцовы сайт 0629, страляніна пачалася каля 10:30.
12:43
9.5.2014
У Луганску на парадзе прэзэнтавалі сьцяг «Луганскай народнай рэспублікі»
У цэнтры Луганску, дзе праходзіў мітынг з нагоды Дня Перамогі, людзям раздалі сьцягі так званай «Луганскай народнай рэспублікі». Пра гэта паведамляе ўкраінская служба Радыё Свабода. Луганчане ўбачылі гэты сьцяг упершыню.
Таксама некаторыя людзі трымаюць расейскі трыкалёр і сьцягі колеру георгіеўскай стужкі.
Мерапрыемства малалюднае. Улады Луганску вырашылі адмовіцца ад прыцягненьня дзяцей да ўдзелу, адменены і традыцыйны сьвяточны фаервэрк.
12:25
9.5.2014
Дзень перамогі: у Адэсе, Мікалаеве і Львове спакойна, у Марыюпалі і Данецку страляюць
У Марыюпалі падчас мерапрыемстваў з нагоды перамогі ў Вялікай Айчыннай вайне ў цэнтры гораду чуваць стрэлы. Пра гэта паведамляюць відавочцы.
«З боку цэнтру гораду чуваць стрэлы. Выразна і ясна», — адзначыў у сваім твітэры адзін зь відавочцаў, перадае «Ўкраінская праўда».
Ёсьць пацярпелыя. З вайсковай часьці выехаў аўтобус зь людзьмі, мяркуючы па ўсім — узброенымі.
У Данецку раніцай каля Калінінскага рынку была перастрэлка, абстралялі аўто.
У Львове, Адэсе і Мікалаеве імпрэзы з нагоды Дня Перамогі праходзяць спакойна.