Лінкі ўнівэрсальнага доступу

Хваля сэпаратызму на ўсходзе Ўкраіны

У Данецку сэпаратысты абвясьцілі незалежнасьць і заклікалі Пуціна ўвесьці войскі. У Луганску ўзброеныя сілы захапілі будынак СБУ. У Харкаве сэпаратысты пабілі прыхільнікаў еднасьці Ўкраіны і абвясьцілі «Харкаўскую народную рэспубліку».

22:28 7.4.2014

ЗША заклікаюць правесьці перамовы Расеі, Украіны, ЭЗ і ЗША

22:28 7.4.2014

ЗША лічаць відавочным вонкавае ўзьдзеяньне на беспарадкі ва Ўкраіне

21:21 7.4.2014

Сэпаратысты абвясьцілі «Харкаўскую народную рэспубліку»

20:51 7.4.2014

Самаабарона Майдану затрымала ў Адэсе сэпаратыстаў


Самаабарона Майдану затрымала ў Адэсе трох невядомых з імпэрскім сьцягам Расеі (чорна-жоўта-белым), траўматычным пісталетам, газавымі балёнчыкамі, ланцугом і дубінкамі.

Як перадае «Думская», эўрамайданаўцы выклікалі міліцыю. Невядомых затрымалі.

Між тым, на Куліковым полі сабраўся экстраны мітынг «антымайдану». Пазьней каля помніка заснавальнікам пачалі шыхтавацца нейкія людзі з шчытамі і дубінкамі. Каля 19 гадзіны «Правы сэктар » і Самаабарона сталі ў фалангу, чакаючы нападу.
19:58 7.4.2014

У Харкаве антымайданаўцы атакавалі мітынг Эўрамайдану


Як перадае УНІАН, каля 19:20 маладыя людзі ў масках, зь бітамі і георгіеўскімі стужкамі спачатку пачалі закідваць мітынг Эўрамайдану выбуховымі пакетамі, а потым пагналіся за людзьмі, якія сыходзілі ў бок парку Шаўчэнкі.
19:57 7.4.2014

Група сэпаратыстаў прарываецца ў адміністрацыю Мікалаева

19:57 7.4.2014

У Радзе прапануюць ўвесьці надзвычайнае становішча


У Вярхоўнай радзе зарэгістраваны праект пастановы аб увядзеньні надзвычайнага становішча ў некалькіх абласьцях.
Яго зарэгістраваў дэпутат Мікалай Рудзькоўскі.

Праектам прапануецца ўвесьці надзвычайнае становішча ў Данецкай, Луганскай і Харкаўскай абласьцях, перадае УНІАН.
18:56 7.4.2014

Турчынаў прызначыў кіраўніка антытэрарыстычнага цэнтру


В. а. прэзыдэнта Ўкраіны Аляксандар Турчынаў прызначыў першага намесьніка старшыні СБУ Віталя Цыганка кіраўніком антытэрарыстычнага цэнтра пры СБУ. 1 сакавіка Цыганок быў прызначаны першым намесьнікам кіраўніка СБУ.
18:45 7.4.2014

Кернэс супраць рэфэрэндуму ў Харкаве


Харкаўскі гарадзкі галава Генадзь Кернэс гатовы падтрымаць ініцыятыву актывістаў аб правядзеньні сацыялягічнага апытаньня, дзе будзе ўзьнята пытаньне фэдэралізацыі Ўкраіны. Пры гэтым мэр заявіў, што не дапусьціць у Харкаве правядзеньня рэфэрэндуму, паведамляе карэспандэнт Радыё Свабода.
Кернэс супраць рэфэрэндуму ў Харкаве
пачакайце

No media source currently available

0:00 0:02:15 0:00
Наўпроставы лінк
18:39 7.4.2014

Луганскія сэпаратысты патрабуюць правесьці рэфэрэндум і адмяніць выбары

18:23 7.4.2014

Мітынгі ў Днепрапятроўску: сэпаратысты супраць эўрамайданаўцаў


Ля Днепрапятроўскай абласной адміністрацыі мітынгуюць прыхільнікі прарасейскіх сіл і актывісты Эўрамайдану, паведамляе карэспандэнт Радыё Свабода.

Людзі з «георгіеўскімі» стужкамі скандуюць: «Русь адзіная», «Беркут», «Хунту далоў!». Паводле ўдзельнікаў мітынгу, яны патрабуюць фэдэралізацыі Ўкраіны і падтрымліваюць дзеяньні прарасейскіх сіл у Данецку, Харкаве і Луганску.

Аддзеленыя кардонам міліцыі пад будынкам адміністрацыі праводзяць мітынг актывісты Эўрамайдану. Супрацьстаяньне паміж бакамі пакуль толькі слоўнае: людзі з «георгіеўскімі» стужкамі сьпяваюць песьні савецкіх часоў, прыхільнікі эўраінтэграцыі — гімн Украіны.
Мітынгі ў Днепрапятроўску: сэпаратысты супраць эўрамайданаўцаў
пачакайце

No media source currently available

0:00 0:01:58 0:00
Наўпроставы лінк
18:10 7.4.2014

Сям’я Януковіча плаціць сэпаратыстам у Луганску па 500 даляраў, — Ландзік


За арганізацыю беспарадкаў, да прыкладу за напады на СБУ ў Луганску сэпаратыстам плацілі па 500 даляраў. А фінансуе гэтыя беспарадкі з Масквы сям’я Віктара Януковіча.

Пра гэта ў эфіры Еспресо.TV заявіў былы народны дэпутат ад Партыі рэгіёнаў Уладзімер Ландзік.

Ён адзначыў, што жыхары Луганшчыны не падтрымліваюць экстрэмісцкія праявы і ніхто не рвецца да Расеі.
16:43 7.4.2014
16:38 7.4.2014

Данецкая гарадзкая рада не прызнала сэпаратыстаў


"У сувязі з падзеямі, зьвязанымі з захопам будынку Данецкай абласной рады і іншых адміністрацыйных будынкаў у горадзе, а таксама заявамі аб зборах паўнамоцных прадстаўнікоў гарадоў, на якіх прымаліся рашэньні аб лёсе Данецкай вобласьці, паведамляем:

Данецкая гарадзкая рада і дзевяць раённых радаў у горадзе не ўпаўнаважвалі каго-небудзь прымаць удзел у падобных зборах.

Данецкая гарадзкая рада раённыя рады працягваюць працаваць у прававым полі. Мы бачым сваёй галоўнай задачай забесьпячэньне жыцьцядзейнасьці горада",— гаворыцца ў заяве Данецкай гарадзкой рады.
.
16:23 7.4.2014

У Харкаве арыштоўваюць сэпаратыстаў

Супрацоўнікі харкаўскай міліцыі пачалі затрыманьні падазроных у захопе Харкаўскай абласной дзяржаўнай арганізацыі.

Аднаго з падазраваных апэратыўна завезьлі ў аддзел міліцыі Дзяржынскага райадзьдзела, праваахоўнікі канфіскавалі ў яго два раскладных нажа.

У міліцыі адзначаюць, што «першая сутычка здарылася днём паміж грамадзянамі на плошчы Свабоды, у ход пайшлі сьлёзацечны газ і пэтарды». Дзякуючы ўмяшаньню ў сытуацыю работнікаў міліцыі, гэты канфлікт удалося лякалізаваць на пачатковай стадыі.
16:12 7.4.2014

Расейскага вайскоўца затрымалі за арганізацыю сэпаратысцкіх акцый у Луганску

16:05 7.4.2014

Абвал на расейскім фондавым рынку


Расейскія фондавыя індэксы на таргах 7 красавікарэзка ўпалі. У 15.10 па маскоўскім часе ММВБ абваліўся на 3,27 % да 1337 пунктаў, а РТС — на 4,28 % да 1181 пункта. Адначасова істотна вырасьлі біржавыя курсы асноўных валют: курс эўра узьляцеў на 52 капейкі да 48,8850 рубля, а даляр падаражэў на 32 капейкі да 35,6175 рубля.

Скарачэньне біржавых паказчыкаў адбылося на фоне навін з Украіны, дзе прыхільнікі фэдэралізацыі абвясьцілі аб стварэньні незалежнай «Данецкай народнай рэспублікі» і патрабуюць не пазьней, чым да 11 траўня правесьці рэфэрэндум па пытаньні аб далучэньні да РФ.
16:03 7.4.2014

Тарута зрабіў заяву ў сувязі з падзеямі ў Данецку


Кіраўнік Данецкай абласной дзяржаўнай адміністрацыі Сяргея Тарута заявіў, што на ўсходзе Ўкраіны рэалізуецца мэтанакіраваны сцэнар дзяржаўнага перавароту, накіраванага на раскол краіны:

«Рашэньні, што прымаюцца зараз людзьмі, якія захапілі дзяржаўныя ўстановы, зьяўляюцца незаконнымі. Законны выхад з існуючага крызысу павінен знайсьці дзейная абласная рада дэпутатаў. Заклікаю вызваліць залю для правядзеньня пазачарговай сэсіі. Каб пазьбегнуць сілавога сцэнару разьвіцьця падзеяў, неабходна даць дэпутатам магчымасьць сабрацца ў экстраным парадку. Далейшы дыялёг неабходна выбудоўваць выключна ў прававым полі», — гаворыцца ў заяве.
15:50 7.4.2014

У будынку СБУ ў Луганску сэпаратыстам адключылі ваду і сьвятло

15:42 7.4.2014

Данецкія сэпаратысты хочуць, каб Пуцін увёў войскі


Самапрызначаны народны савет Данецкай вобласьці вырашыў правесьці да 11 траўня рэфэрэндум наконт сувэрэнітэту.

Прарасейскія актывісты, якія захапілі будынак Данецкай абласной дзяржаўнай адміністрацыі, абвясьцілі аб правядзеньні ўсенароднага рэфэрэндуму наконт абвяшчэньня сувэрэнітэту Данецкай вобласці. Правесьці рэфэрэндум яны маюць намер не пазьней за 11 траўня 2014 года, перадае агенцтва «Інтэрфакс- Украіна».

Загрузіць яшчэ

XS
SM
MD
LG