Лінкі ўнівэрсальнага доступу

Кэмэран: напад у Лёндане мог быць тэрактам


Дэвід Кэмэран
Дэвід Кэмэран

Улады Вялікабрытаніі маюць пэўныя факты, якія сьведчаць, што жорсткае забойства на паўднёвым усходзе Лёндана магло быць тэрактам.

Пра гэта заявіў на прэс-канфэрэнцыі ў Парыжы прэм'ер-міністар Вялікабрытаніі Дэвід Кэмэран.

Ён заявіў, што ў сувязі з інцыдэнтам перапыняе свой візыт у Францыю і вяртаецца ў Лёндан.

Паводле брытанскай паліцыі, днём 22 траўня двое невядомых з нажамі напалі на мужчыну ў раёне Вуліч непадалёк ад вайсковай адукацыйнай установы і забілі яго. Па некаторых дадзеных, забіты быў вайскоўцам. Паліцыянты, якія прыбылі на месца здарэньня, паранілі тых, хто нападаў. Пацярпелыя шпіталізаваны.

Тэлеканал ITV паказаў кадры, на якіх адзін з падазраваных у нападзе кажа: "Клянёмся Алахам, што ніколі не спынім барацьбу з вамі".
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG