ПАДЗЕІ ДНЯ
Сусьветны дзень культурнай разнастайнасьці. Адзначаецца на прапанову Генэральнай Асамблеі ААН з 2003 году. 21 траўня прапануецца пачытаць кнігу іншамоўнага аўтара ці паслухаць музыку кампазытара іншай краіны, паклікаць у госьці суседа іншай рэлігіі ці нацыянальнасьці.
Прэм'ер-міністар Беларусі Міхаіл Мясьніковіч наведае Маскву і сустрэнецца з кіраўніком ураду Расеі Дзьмітрыем Мядзьведзевым.
Менск, вечар памяці Дзьмітрыя Завадзкага адбудзецца ў офісе партыі БНФ. Заплянаваны прагляд фільма пра зьніклага журналіста. Пачатак у 18.00.
Дзяржсакратар ЗША Джон Керы наведае Ізраіль і палестынскія тэрыторыі.
ГЭТЫ ДЗЕНЬ У ГІСТОРЫІ
1688 – нарадзіўся Мікалай Фаўстын Радзівіл, дзяржаўны і вайсковы дзяяч Вялікага княства Літоўскага.
1841 – у эміграцыі ў Парыжы памёр Юльян Урсын Нямцэвіч, палітычны дзяяч, пісьменьнік, гісторык родам з Берасьцейшчыны, удзельнік паўстаньня 1831 году.
1921 – нарадзіўся Андрэй Сахараў, савецкі дысыдэнт і праваабаронца, акадэмік, фізык, адзін са стваральнікаў савецкай вадароднай бомбы.
ЦЫТАТА ДНЯ
Ядзерная вайна можа ўзьнікнуць са звычайнай, а звычайная вайна, як вядома, узьнікае з палітыкі.
Андрэй Сахараў
