Лінкі ўнівэрсальнага доступу

Расея агучыла «чорны сьпіс» неўязных амэрыканцаў


Барыс Нямцоў трымае партрэт Сяргея Магніцкага

Расея апублікавала свой «сьпіс Магніцкага» — «чорны сьпіс» амэрыканцаў, якім забаронены ўезд у Расею.

Туды ўключылі 18 амэрыканскіх грамадзянаў, у тым ліку экс-кіраўніка апарату віцэ-прэзыдэнта ЗША Дэвіда Эдынгтана, двух былых кіраўнікоў базы ЗША ў Гуантанама, шэраг супрацоўнікаў пракуратуры паўднёвай акругі штату Ню-Ёрк.

«У адрозьненне ад амэрыканскага, сфармаванага адвольна, у наш сьпіс уключаныя, у першую чаргу, тыя, хто мае дачыненьне да легалізацыі катаваньняў і бестэрміновага ўтрыманьня зьняволеных у спэцтурме Гуантанама, да арыштаў і выкраданьняў расейскіх грамадзянаў у трэціх краінах, замахаў на іх жыцьці і здароўе», — адзначаецца ў камэнтары прадстаўніка МЗС Расеі Аляксандра Лукашэвіча.

«Вайна сьпісаў — ня наш выбар, але не адказваць на адкрыты шантаж мы ня маем права», — адзначаюць у МЗС Расеі.

Напярэдадні ЗША апублікавалі імёны 18 расійскіх грамадзянаў, якія маюць дачыненьне да парушэньняў правоў чалавека, да іх уведзеныя фінансавыя санкцыі і візавыя абмежаваньні.

Шаснаццаць чалавек зьвязаныя са справай Сяргея Магніцкага — юрыста, які памёр у 2009 годзе ў сьледчым ізалятары ў Маскве ад сардэчных праблемаў. Расейскія праваабаронцы сьцьвярджаюць, што прадстаўнікі ўлады сьвядома ігнаравалі дрэнны стан яго здароўя.

Глядзець камэнтары (1)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG