Злодзей у законе

«Злодзей у законе» — лідэр зладзейскага сьвету. Супольнасьць «зладзеяў у законе» вельмі закрытая і закансьпіраваная. Кіруецца жорсткім кодэксам крымінальных традыцый, прычым кожны з «зладзеяў у законе» — ахоўнік гэтых традыцый.

За «зладзеямі ў законе» — апошняе слова ва ўсіх сфэрах крымінальнага, ценевага жыцьця. Абіраюцца шляхам «каранацыі» — гэта рытуал на зладзейскай «сходцы» (зборы лідэраў).