Стан здароўя экс-прэм’ера Ўкраіны Юліі Цімашэнкі, якая адбывае турэмны тэрмін, рэзка пагоршыўся. Пра гэта паведамляе яе абаронца Сяргей Уласенка. Раней паведамлялася, што сёньня раніцай з харкаўскага шпіталю, дзе лекуецца Цімашэнка, сілай выправадзілі трох жанчын-дэпутатаў Вярхоўнай Рады ад партыі «Бацькаўшчына», якія далучыліся да акцыі грамадзянскага непадпарадкаваньня Цімашэнкі. Яны заявілі, што не пакінуць будынак клінікі, пакуль адміністрацыя не выканае патрабаваньні экс-прем’ера.
Цімашэнка ўжо тыдзень не заходзіць у палату, патрабуючы прыбраць адтуль усе відэакамэры і зьняць варту ля дзьвярэй.
Юлія Цімашэнка адбывае сямігадовы тэрмін паводле абвінавачваньня ў перавышэньні службовых паўнамоцтваў пры падпісаньні газавых кантрактаў з Расеяй у 2009 годзе.
Цімашэнка ўжо тыдзень не заходзіць у палату, патрабуючы прыбраць адтуль усе відэакамэры і зьняць варту ля дзьвярэй.
Самае папулярнае
1