КАБУЛ. У Кабуле сёньня былі знойдзеныя целы двух замежнікаў, верагодна забітых камянямі. Прадстаўнік афганскага міністэрства замежных справаў паведаміў, што адзін з забітых – грамадзянін Швэйцарыі, асоба і грамадзянства другога пакуль што ня высьветленыя. Паводле паліцыі, абодва замежнікі гэтымі днямі прыбылі ў Кабул з Пакістану. Абставіны здарэньня высьвятляюцца.