Прэзыдэнт Грузіі Міхаіл Саакашвілі абвінаваціў лідэра Аджарыі Аслана Абашыдзэ ў гатовасьці ужыць наёмнікаў для адстойваньня сваёй аўтаноміі. Гэта можа прывесьці да трагедыі, сказаў Саакашвілі.
Аслан Абашыдзэ назваў гэтыя абвінавачваньні фантастычнымі.
Тым часам прадстаўнікі аджарскай аўтаноміі назвалі правакацыяй рашэньне цэнтральных ўладаў Грузіі ануляваць дыпляматычныя пашпарты кіраўнікоў Аджарыі.
Гэта закранула 500 асобаў, ануляваныя пашпарты лідэра Аджарыі Аслана Абашыдзэ, ягонага сына – мэра Батумі і міністра ўнутраных спраў аўтаноміі.