СКОПЬЕ У Макэдоніі праходзіць пахаваньне прэзідэнта краіны Барыса Трайкоўскага, які загінуў у аўтакатастрофе на мінулым тыдні. Для удзелу ў жалобнай цырымоніі ў Скопье прыехалі дэлегацыі са Злучаных Штатаў, Велікабрытаніі , Кітаю, Расеі, НАТА, а таксама прэзідэнты Вугоршчыны, Славаччыны, Польшчы і Чэхіі. Каля будынку парляманту, дзе ўсталяваная труна з целам Трайкоўскага, сабраліся дзесяткі тысячаў людзей, каб ушанаваць памяць прэзідэнта.