НІКАСІЯ. Сёньня адбылася сустрэча лідэраў грэцкай і турэцкай частак Кіпру. Яны абмеркавалі асноўныя пытаньні ўзьяднаньня выспы, якое мелася б адбыцца яшчэ да далучэньня Рэспублікі Кіпр да Эўразьвязу 1 траўня. Лідэр туркаў-кіпрыётаў Раўф Дэнкташ і прэзыдэнт грэцкай Рэспублікі Кіпр Тасас Пападорулас сустрэліся на лётнішчы, што знаходзіцца на мяжы паміж дзьвюма часткамі Кіпру. Мяркуецца, што перамовы будуць завершаныя заўтра.