ЛЁНДАН
Прэм’ер-міністр Брытаніі Тоні Блэр заявіў сёньня, што ён меў рацыю, падтрымаўшы амэрыканскую апэрацыю ў Іраку, якая грунтавался на інфармацыі, што Садам Хусэйн мае зброю масавага зьнішчэньня. Блэр сказаў у інтэрвію BBC, што з ягонага боку было б безадказна нічога не прадпрымаць, атрымаўшы інфармацыю пра наяўнасьць такой зброі. Прэм’ер заявіў, што будучыня дзевяцёх брытанскіх грамадзянаў, якія ўтрымліваюцца на амэрыканскай ваеннай базе ў Гуантанама, будзе вырашаная бліжэйшымі тыднямі. Блэр таксама заявіў, што пойдзе ў адстаўку, калі пацьвердзіцца, што ён хлусіў у справе ваеннага экспэрта Дэвіда Кэлі, які скончыў жыцьцё самагубствам