АСТАНА. Прэзыдэнт Расеі Ўладзімер Пуцін прыбывае сёньня ў Казахстан з афіцыйным візытам. У казахстанскай сталіцы пройдуць перамовы Пуціна з прэзыдэнтам Казахстану Нурсултанам Назарбаевым. Чакаецца падпісаньне шэрагу пагадненьняў, у прыватнасьці пра эксплюатацыю касмадрому Байканур і супрацоўніцтва дзьвюх краін у паліўна-энэргетычнай сфэры. Расея штогод плаціць Казахстану за арэнду Байкануру каля 115 мільёнаў даляраў. У часе перамоваў Пуціна й Назарбаева будзе абмяркоўвацца магчымасьць падоўжыць гэтую арэнду на 50 гадоў.