БРУСЭЛЬ. Сёньня ў будынку Эўрапейскага парлямэнту выбухнула бомба. Яна знаходзілася ў пасылцы, адрасаванай кіраўніку фракцыі нямецкіх хрысьціянскіх дэмакратаў Гансу-Грэту Потэрынгу. Ніхто ад выбуху не пацярпеў. Прынамсі яшчэ адзін падазроны пакет быў затрыманы службай бясьпекі. Гэта была ўжо пятая бомба, дасланая ў структуры Эўразьвязу цягам апошніх тыдняў. Большасьць зь іх былі адпраўленыя з італьянскага гораду Балёньня.