[ 20:10 ]  11 дзяржаваў забаранілі імпарт ялавічыны з ЗША

ВАШЫНГТОН Кітай стаў чарговай, адзінаццатай дзяржавай, якая забараніла імпарт амэрыканскай ялавічыны ў сувязі з зафіксаваным у штаце Вашынгтон выпадкам гэтак званага “каровінага шаленства”. Сярод адзінаццаці краінаў – найбуйнейшыя імпарцёры амэрыканскай ялавічыны – Японія, Мэксіка і Паўднёвая Карэя, а таксама Канада, Расея, Украіна, Тайвань, Ганконг, Сынгапур, Малайзія й Паўднёваафрыканская Рэспубліка. Выбух каровінага шаленства ў Эўропе ў 80-х гадах прывёў да сьмерці 140 чалавек, найперш у Брытаніі. Экспэрты прагназуюць, што зьяўленьне ў ЗША “каровінага шаленства” крайне нэгатыўна адаб’ецца на амэрыканскім рынку сельскагаспадарчай прамысловасьці.