КІЕЎ. Сёньня раніцай быў застрэлены начальнік міліцыі гораду Луцк Сэргій Швачка. Прадстаўнік гарадзкіх уладаў паведаміў, што Швачка быў забіты на парозе сваёй кватэры. Міністэрства Ўнутраных Справаў Украіны выказала меркаваньне, што забойства начальніка гарадзкой міліцыі зьвязанае з выкананьнем ім службовых абавязкаў. Швачка ўзначальваў гарадзкую міліцыю Луцку ад чэрвеня 2000 году.