БЭТЛІЕМ. Паводле прадстаўніка ізраільскага войска сытуацыя вакол Царквы Нараджэньня Хрыстовага пакуль што ня можа быць разьвязаная, таму што ніякая краіна не згаджаецца прыняць ваяўнікоў, што знаходзяцца ў царкве. Паводле дамовы 13 палестынцаў, якіх Ізраіль лічыць ваяўнікамі, будуць адпраўленыя на выгнаньне ў Італію, а 26 чалавек – зьняволеныя ў вязьніцу ў Паласе Газа, а цывільныя жыхары – вызваленыя. Паводле ўладаў Італіі, куды плянавалася накіраваць 13 палестынцаў, краіна не атрымала афіцыйнай просьбы ў гэтай справе.