ВАШЫНГТОН. Прэзыдэнт Злучаных Штатаў папярэдзіў народ краіны, што вайна супраць тэрарызму, як выглядае, будзе ісьці доўга, але краіна падрыхтаваная, каб выканаць гэтую місыю. Паводле Буша, войска ЗША і ягоныя партнэры па кааліцыі закончылі першы этап вайны, калі ў Афганістане адхілілі ад улады талібаў і прымусілі сяброў Аль-Кайды сыйсьці ў падпольле. Другі этап вайны знаходзіцца ў стадыі распрацоўкі. Буш сказаў, што іншыя краіны дапамогуць змагацца з тэрарыстамі, якія спрабуюць схавацца на іхнай тэрыторыі.