(Масква)Лідэр часовага ўраду Афганістану Хамід Карзай сустрэўся сёньня ў Маскве з прадстаўнікамі афганскай дыяспары і заклікаў іх дапамагчы ў адбудове Афганістану. Учора дапамогу ў адбудове Афганістану абяцалі афгаскаму лідэру прэзыдэнт Расеі Ўладзімір Пуцін і міністр замежных справаў Ігар Іваноў. Паводле расейскага МЗС, Расея будзе надалей аказваць насельніцтву Афганістану гуманітарную дапамогу. Сёньня Карзай накіруецца ў Нямеччыну на сустрэчу зь міністрам замежных справаў ФРГ Ёшкам Фішэрам