ГАРДЭЗ (АФГАНІСТАН). Учора ва ўсходнім Афганістане працягваліся жорсткія баі паміж антытэрарыстычнымі сіламі пад кіраўніцтвам ЗША і ваяўнікамі «Талібану» і «Аль-Каіды». Антытэрарыстычная апэрацыя падтрымвалася кругласутачнымі авіяўдарамі. Паводле Пэнтагону, варожы бок працягваў зацяты супраціў пасьля пяці дзён баёў у пакрытых сьнегам горных мясьцінах. Міністар абароны ЗША Доналд Рамсфэлд паведаміў пра магчымую дасылку ў Афганістан дадатковых вайсковых аддзелаў.