ВАШЫНГТОН. Прэзыдэнт ЗША Джордж Буш абвесьціў пра пляны амэрыканскай адміністрацыі пашырыць дзейнасьць Корпусу міру – ўрадовай арганізацыі, якая накіроўвае дабрахвотнікаў у разьвіваючыяся краіны. Выступаючы ў Вашынгтоне, Буш паведаміў, што групы адмыслоўцаў-дабрахвотнікаў хуткім часам накіруюцца ў Афганістан, дзе будуць дапамагаць у будаўніцтве, стварэньні водаачышчальных сыстэмаў і ў галіне адукацыі. Амэрыканскі прэзыдэнт ня выключыў, што Корпус міру пачне працаваць ва Ўзбэкістане і Туркменіі і, магчыма, у Кітаі. На сёньняшні дзень 7 тысячаў даюрахвотнікаў арганізацыі працуюць у 70 краінах сьвету.