МАСКВА. Прэзыдэнт Расеі Ўладзімір Пуцін запрапанаваў вызваліць з расейскіх турмаў усіх маці – незалежна ад цяжкасьці іхных злачынстваў. Запрапанаваная амністыя мусіць быць ухваленая Дзяржаўнай Думай. Пакуль што няясна колькі жанчын можа быць вызвалена зь перапоўненых расейскіх турмаў, калі прапанова Пуціна будзе ўхваленая. Летась у лістападзе Дзяржаўаня Дума зацьвердзіла амністыю для малалетніх злачынцаў, жанчын ды некаторых іншых зьняволеных, аднак амністыя не датычыла асуджаных за забойствы, тэрарызм ды іншыя цяжкія злачынствы.