КАТМАНДУ. Прэзыдэнт Пакістану Пэрвэз Мушараф прыехаў сёньня ў сталіцу Нэпалу для ўдзелу ў сустрэчы лідэраў краінаў Паўдзённай Азіі, якая распачнецца ў суботу. Прэм’ер-міністар Індыі Атал Бігары Ваджпаі таксама ўдзельнічае ў сустрэчы, якая будзе адбывацца на фоне вострага напружаньня паміж Індыяй і Пакістанам. Прадстаўніца індыйскага Міністэрства замежных справаў заявіла, што Індыя не адновіць дыялёгу з Пакістанам, пакуль Пакістан не перастане падтрымваць ісьлямскіх сэпаратыстаў у Кашміры.