КРАКАЎ, Польшча. Моцныя сьнегапады заблякавалі дарогі ў Сярэдняй і Ўсходняй Эўропе. Практычна поўнасьцю няма руху на трасе Кракаў – Катавіцы ў Польшчы. Сотні людзей ня могуць вярнуцца з гарналыжных курортаў. Спыніўся рух на дарогах на Поўначы Чэхіі, а таксама ў паўночных і ўсходніх раёнах Славаччыны.
Аналягічная сытуацыя ў Латвіі. У Рызе за суткі выпала да 40 сантымэтраў сьнегу ва ўмовах дваццаціградуснага марозу. Заваленыя сьнегам дарогі ў заходніх раёнах Украіны. Тысячы вяскоўцаў там засталіся без электрычнасьці.