НІКАСІЯ. Лідэр турэцкіх кіпрыётаў Раўф Дэнкташ упершыню пасьля 1974 году наведаў грэцкую частку выспы Кіпар. На запрашэньне лідэра грэцкіх кіпрыётаў Глафкаса Клярыдаса ён перасек буфэрную зону, што кантралюецца сіламі ААН і прыбыў у дом Клярыдаса на абед. Як паведамляе кіпрская тэлевізія, сотні паліцэйскіх ахоўвалі яго пад час паездкі і пільнавалі ля будынку, дзе адбываўся абед.
Гэтая паездка зробленая ў адказ на візыт лідэра грэцкіх кіпрыётаў у рэзыдэнцыю Дэнкташа на пачатку сьнежня.