ІСЬЛЯМАБАД. Канцлер Нямеччыны Герхард Шрэдэр мае сёньня прыехаць у Пакістан, распачаўшы шасьцідзённую паездку, у цэнтры ўвагі якой будзе амэрыканская вайсковая апэрацыя ў Афганістане. Пасьля кароткай сустрэчы з прэзыдэнтам Пакістану Пэрвэзам Мушарафам Шрэдэр выедзе ў Індыю, пасьля чаго яшчэ наведае Кітай і Расею. Шрэдэр зьбіраецца заахвоціць і падтрымаць кіраўнікоў краінаў рэгіёну ў сувязі зь іх удзелам у міжнароднай антытэрарыстычнай кааліцыі. Падчас сустрэчаў будзе таксама абмяркоўвацца будучыня Афганістану.