РЫЯД. Міністар замежных справаў Францыі Юбэр Вэдрын правёў перамовы ў Рыядзе з кіраўнікамі Савудаўскай Арабіі, падчас якіх абмяркоўвалася антытэрарыстычная кампанія і прапановы палітычнага ўрэгуляваньня ў Афганістане. Выступаючы перад журналістамі, Вэдрын сказаў, што абедзьве краіны «рашуча падтрымваюць» барацьбу з тэрарызмам. Вэдрын выказаў спадзяваньне, што амэрыканская ваенная кампанія ў Афганістане зьнічныць тэрарыстычныя сеткі як мага раней. Ён таксама выказаўся за стварэньне афганскага ўраду з удзелам усіх этнічных і палітычных групаў.