ПРАГА.Сёньня прэзыдэнт Чэхіі Вацлаў Гавэл быў шпіталізаваны ў сувязі з арытміяй сэрца. Прадстаўнік прэзыдэнта Ладзіслаў Шпачак паведаміў, што Гавэлу стала кепска на борце самалёта, якім ён мерыўся вылеціць у Італію. Шпачак не паведаміў як доўга прэзыдэнт будзе знаходзіцца ў лякарні. Шэраг гадоў Вацлаў Гавэл пакутваў на лёгачныя хваробы, а ў 1996 годзе яму была выдаленая з лёгкіх злаякасная пухліна.