ВАШЫНГТОН. У атмасфэры росту трывогі ў прадчуваньні доўгай вайны супраць тэрарызму, на амэрыканскіх біржах сёньня назіралася далейшае падзеньне курсу акцыяў. Індустрыйны індэкс Dow-Jones упаў сёньня на 3 працэнты, а індэкс высокіх тэхналёгіяў Nasdaq – больш чым на 4 працэнты. Ад панядзелку гэтыя паказьнікі ўпалі адпаведна на 16 і 17 працэнтаў, дасягнуўшы рэкордна нізкай адзнакі за апошнія тры гады.