ВАРШАВА. Польскі суд сёньня зноў адклаў разгляд справы былога камуністычнага лідэра краіны генэрала Войцеха Ярузэльскага. Ярузэльскі абвінавачваецца ў адданьні загаду страляць ва ўдзельнікаў рабочых страйкаў 1970 году. Падчас тых падзеяў 44 чалавекі былі забітыя і сотні параненыя. Суд адкладзены з прычыны хваробы двух іншых падсудных. У выпадку прызнаньня віны Ярузэльскаму пагражае пакараньне тэрмінам да 25 гадоў.