Скоп”е, Македонія. Падразьдзяленьні міратворчага кантынгэнту НАТО пачалі прымаць зброю ў альбанскіх паўстанцаў у горным раёне каля гораду Тэтава.
Прадстаўнік НАТО паведаміў, што міратворцы накіраваліся ў вёску Бродзеч паблізу ад мяжы з Косавам, у якой жыве каля 500 чалавек.
Паўстанцы з Бродзечы неаднойчы сёлета бралі ў палон македонскіх паліцыянтаў.
НАТО пакуль што не паведаміла, колькі зброі было сабрана сёньня. Учора альбанскія паўстанцы здалі больш за 400 адзінак зброі, пераважна -- аўтаматы, супрацьтанкавыя міны, кулямёты і мінамёты.
Больш за тысячу ўцекачоў вярнуліся ў Македонію з Косава мінулым ўік-эндам. Аднак яшчэ ня створаныя сапраўдныя ўмовы дзеля вяртаньня тысячаў астатніх, асабліва на тыя тэрыторыі, дзе яны зьяўляюцца меншынёй.